• Galdraskræða er komin út!

    Viltu læra að vekja upp draug, ná ástum draumastúlkunnar eða hreinlega vernda þig gegn illum öflum? Þá er Galdraskræða Skugga, sem kom út í nýrri útgáfu Lesstofunnar í dag, kannski bók fyrir þig! Sjá nánar HÉR.

    Í Galdraskræðu eftir Skugga, sem var skáldanafn Jochums M. Eggertssonar (1869–1966), er að finna á annað hundrað galdrastafi, auk 13 tegundir málrúna, kenningar þeirra og margskonar galdraletur. Skuggi kvaðst hafa safnað gögnum í mörg ár og eru aðalheimildir hans þrjár fornar skræður sem voru í eigu hans, auk fjölda annarra heimilda sem eru tilfærðar í ritinu. 

    Galdraskræða kom fyrst út árið 1940 en hefur nú verið endurútgefin af Lesstofunni. Fyrsta útgáfa bókarinnar er öll handskrifuð en í nýrri útgáfu er búið að hreinteikna upp galdrastafi og galdratákn og var sú vinna í höndum Arnars Fells Gunnarssonar. Þórarinn Eldjárn ritar formála bókarinnar þar sem hann greinir frá ævi Skugga og stiklar á höfundaverki þessa sérstæða listamanns. Skuggi hefur verið með öllu gleymdur í íslenskri bókmennta- og listasögu; vert er að veita honum það rými sem honum aldrei hlotnaðist í lifanda lífi.

     

  • ← Nýrri frétt Eldri frétt →